‘ഏജന്‍സി ഓഫ് ദി ഇയര്‍’ ഫസ്റ്റ് റണ്ണര്‍ അപ് പുരസ്‌കാരം കരസ്ഥമാക്കി വളപ്പില കമ്മ്യൂണിക്കേഷന്‍സ്. മാധ്യമ- പരസ്യ രംഗത്തെ പ്രവര്‍ത്തനമികവിനെ അംഗീകരിക്കാന്‍ എക്സ്ചേഞ്ച് 4 മീഡിയ സംഘടിപ്പിച്ച ACE അവാര്‍ഡ്സ് 2023 ല്‍ ഇന്‍ഡിപെന്‍ഡന്റ് ഏജന്‍സി ഓഫ് ദി ഇയര്‍ കാറ്റഗറിയില്‍ റണ്ണര്‍ അപ്പ് സ്ഥാനമാണ് വളപ്പില കമ്മ്യൂണിക്കേഷന്‍സ് സ്വന്തമാക്കിയത്.
മുംബൈ ആസ്ഥാനമാക്കി പ്രവര്‍ത്തിക്കുന്ന പ്രചാര്‍ കമ്മ്യൂണിക്കേഷന്‍സിനാണ് ഒന്നാം സ്ഥാനം . മുംബൈയില്‍ വെച്ച് നടന്ന അവാര്‍ഡ്ദാന ചടങ്ങില്‍ വളപ്പില കമ്മ്യൂണിക്കേഷന്‍സ് ഡയറക്ടര്‍മാരായ ലിയോ വളപ്പില, പോള്‍ വളപ്പില എന്നിവര്‍ പുരസ്‌കാരം ഏറ്റുവാങ്ങി.
